Një histori e veçantë është ajo e talentit të Monakos, Dejan Kuzmanoviç. 17-vjeçari aktivizohet me të rinjtë e Monakos, ku ka treguar paraqitje të shkëlqyera, në repartin e mbrojtjes.
Përveç qendërmbrojtësit, Kuzmanoviç e bën shumë mirë edhe mbrojtësin e djathtë. E veçanta e lojtarit është se babai i tij është me origjinë nga Serbia, ndërsa nëna e tij me origjinë nga Shqipëria, por lindur dhe rritur në Francë. Gjyshërit nga babai lojtari i ka nga Serbia, ndërkohë që ai vetë dhe babai i tij kanë lindur në Francë.
Gjithsesi Kuzmanoviç ka vendosur të ndjekë rrënjët e babait të tij dhe do të përfaqësojë Serbinë në ta ardhmen. Lajmin e ka konfirmuar vetë lojtari i cili është shprehur: “Gjyshërit e mi janë serbë, por babai im ka lindur në Francë, ashtu si unë. Unë jam rritur nga prindër me kultura dhe vende të ndryshme. Unë akoma jam serb në gjakun tim dhe pse jam rritur si francez. Jam krenar për rrënjët e mia dhe është nder të luaj për Serbinë”, tha Kuzmanoviç.
Burimi: PANORAMASPORT.AL