Maguette Gueye është padiksutim një nga lojtarët më të mirë në Superiore, në mos më i miri. Mesfushori ishte heroi i derbit të kryeqytetit, i cili me dy golat e tij i shkaktoi humbje Tiranës dhe i dhuroi 3 pikë Partizanit.
Një lojtar i një kalibri të lartë ku me qetësinë dhe cilësitë që ka e ka kthyer atë në qendër të vëmendjes. Padiksutim që ka një “mal” me oferta për shërbimet e tij, me drejtuesit e kuq që do ta kenë mjaft të vështirë ta mbajnë edhe një sezon tjetër, ndërsa pritet të mbushin arkat nga shitja e tij. Lajmi se Panathinakikos kërkon shërbimet e mesfushorit, ka shkuar deri në portalet greke. Gazzetta.gr ka shkruar në lidhje me këtë lajm.
“Shqiptarët kërkojnë një tarifë afër 2 milionë euro. Klubi nga Tirana ka refuzuar një ofertë prej 1.2 milionë eurosh. Guay ka arritur të spikasë këtë vit në kampionatin shqiptar dhe pavarësisht pozicionit të tij ka shënuar 6 gola në sezonin aktual. Të gjithë në vend po flasin për futbollistin që ka premisa për t’u bërë lojtar i madh. Në Shqipëritheksojnë se në ndeshjen e fundit në derbin e kryeqytetit, një skaut i Panathinaikos ka qenë në fushë dhe ka ndjekur nga afër ndeshjen në të cilën 21-vjeçari shënoi dy golat”.