Para fillimit të ndeshjes Shqipëri-Angli, kreu i PD, Lulzim Basha ka marrë një suprizë nga lojtarët e Kombëtares, fanellën kuq e zi.
Bluza që mban numrin 9 dhe emrin e Bashës është firmosur nga lojtarët, stafi i Kombëtares dhe drejtuesit e FSHF dhe i është dhuruar nga ish-futbollisti kuqezi, Andi Lila.
“Ju falënderoj nga zemra. Gjëja e parë që dua të them para se të fillojë ndeshja, uroj që të fitojmë dhe lutemi për fitore, por në 25 prill do të fitojë sporti shqiptar. Gjithë harresën që ka pasur këto vite ne do ta arkivojmë”, u shpreh Basha.