“Ndeshja më e dobët që kemi bërë”, Dede “i shkul veshin” lojtarëve të tij: Flamurtari e meritoi fitoren

Supersfida e javës së 8-të e Kategorisë së Parë, ajo midis Flamurtarit dhe Elbasanit përfundoi me fitoren e vlonjatëve në shtëpi me rezultatin 2-1. Një fitore mjaft e rëndësishme për kuqezinjtë të cilët ngjiten në vendin e 3-të me 15 pikë, ndërsa “Tigrat” mbeten në vendin e 2-të me 16 pikë të grumbulluara.

Pas kësaj sfide, për mikrofonat e MCN TV foli trajneri i Elbasanit, Nevil Dede.

“Luajtëm në Vlorë, ambienti dhe kushtet ishin të mirë. Kjo ishte ndeshja më e dobët që kemi bërë deri më tani. Në fund e meritoi Flamurtari fitoren. Nuk fituam dot topin, ky ishte problemi ynë. Edhe me zëvendësimet nuk arritëm asgjë”, u shpreh shkurtimisht trajneri i Elbasanit.

Related posts

Erdhi me bujë nga Llapi, vetëm një sezon zgjat aventura e sulmuesit te Flamurtari (POSTIMI)

Ernest Muçi duket se e ka mbyllur me Besiktas, vijnë ofertat e para për sulmuesin e Kombëtares

Sirena arabe për lojtarin e Tiranës, klubi bardheblu i cakton 300 mijë euro vlerën e kartonit