Më së shumti me parrullën “Muzika nuk e përhap virusin” pronarë, muzikantë e punonjës lokalesh nate, kanë protestuar mbrëmjen e sotme para selisë së kryeministrisë, duke kundërshtuar aktin normativ të qeverisë që ndalon hapjen e klubeve dhe diskove pas orës 20:00. Ata i kërkuan qeverisë të tërhiqet nga ky vendim, pasi e cilësuan absurd. Protestuesit u përballën me policinë që kërkonte të shpërndahej protesta. Protestuesit thanë se qeveria duhet të kishte një plan për të kompensuar punonjësit e këtyre bizneseve, në të kundërt familjet e tyre ndo ta kenë të vështirë të jetojnë.