Që me përfundimin e Big Brother Vip në rrjet nisën të qarkullonin emra të shumtë rreth personazheve të mundshëm që mund të jenë pjesë e Big Brother Vip 2, i cili do të startojë në fund të këtij dhjetori. Mes emrave të shumë lakuar ishte edhe ai i Diteas, motra e Sarah Berishës.
Megjithatë lajmi me sa duket nuk është i vërtetë, të paktën deri tani, pasi Sarah tregoi që e motra nuk ka marrë ende një ftesë.
“Nuk e ka marrë propozimin. As ajo vetë nuk e di. E kemi diskutuar, por është ende herët. Jemi tipa të kundërt. Është tip i qetë, unë jam më çapkëne dhe tolerante. Mbase për atë do ishte eksperiencë e bukur por jemi të ndshme. Kështu që nuk e di. Ka kohë”, tha ajo.
Ndërkohë nëse Kledi Hysa është në një marrëdhënie me Ditean, Sarah u përgjigj:
“Jo nuk ka lidhje me Kledin. Kledin e kemi shok se ma shkruajnë shpesh. Ne bëhemi shumë por nuk kanë asnjë lidhje. Dalin lajme të kota pse tu prishim punë të dyve kot.”