Grupi hetimor i vrasjes së të resë palestineze Rayyan Alëan pak ditë më parë në Tiranë, ka konfirmuar sot zyrtarisht se autori i dyshuar i vrasjes së saj, Fadi Alwan, është babai i saj biologjik, duke rrëzuar dyshimet paraprake se ishin çift partnerësh.
Babai i 24-vjeçares, Fadi Alëan, mësohet se është larguar në drejtim të Libanit dhe përmes Interpol po punohet për lokalizimin dhe arrestimin e tij.
Autoritetet shqiptare nuk kanë ende një shkak të qartë mbi arsyet që çuan babain 49-vjeçar në planin për vrasjen e së bijës. Për këtë arsye kërkohet me patjetër lidhja me familjarët e tjerë që të mund të merren në pyetje.
Ngjarja ndodhi më 27 shkurt në katin e tretë të një godine që ndodhet pranë njësisë numër 10 në Tiranë, në rrugën “Gjon Muzaka”.