Tri pikë të reja për Milanin në Serie A që në San Siro ka triumfuar përballë Fiorentinas (2-0), në ndeshjen e vlefshme për xhiron e nëntë në kampionatin italian.
Edhe kjo sfidë nisi me një minutë heshtje për ta nderuar jetën dhe veprën e legjendës argjentinase të futbollit, Diego Maradona.
Alessio Romagnoli reagoi më së miri në zonë për të shënuar me kokë, pas një harkimi nga këndi të Rossonerëve (17’).
Rezultatin e dyfishoi Franck Kessie me golin e dytë të shënuar nga penalltia (27’). Kessie e pati mundësinë ta shënonte edhe golin e tretë, mirëpo portieri Bartlomiej Dragowski e mbrojti njëmbëdhjetëmetërshin e dytë në minutat e fundit të pjesës së parë.
Në fraksionin e dytë nuk u shënuan gola, ashtu që kuqezinjtë regjistruan fitore komode dhe tri pikë shumë të rëndësishme.
Milani numëron 23 pikë në krye të tabelës, pesë më shumë se Interi dhe Sassuolo që e ndjeklin në pozitat dy dhe tre. Fiorentina mbetet në vend të 16-të me vetëm tetë pikë të arkëtuar pas nëntë xhirosh.
Burimi: Telegrafi