Një dhëndër u martua me shtatë gra në të njëjtën ditë dhe dy prej tyre janë motra. Sipas mediave të huaja Habib Nsikonnene një “shërues i njohur tradicional” organizoi dasmën e pazakontë në Ugandë. Megjithatë, 43-vjeçari nuk po ndalet me kaq dhe ka thënë se planifikon të ketë edhe më shumë gra në mënyrë që të mund të arrijë një objektiv prej 100 fëmijë.
“Në familjen time jemi shumë pak, ndaj dua të bëj shumë fëmijë që të krijojmë një familje të madhe”- tha dhëndri. Në përgatitje për dasmën e tij, ai i dha secilës prej grave të tij makina të reja dhe gjithashtu i dhuroi prindërve të tyre një sërë dhuratash duke përfshirë motoçikleta.
Habibi u martua me secilën nga nuset veç e veç në një ceremoni tradicionale në shtëpitë e tyre. Nuset mbërritën më pas me automjetet e tyre me targa të personalizuara mes një flote prej 40 limo dhe 30 motoçikletash. Në pritje, Habibi i lavdëroi gratë e tij duke u thënë të ftuarve:
“Gratë e mia nuk kanë xhelozi mes tyre, i prezantova veçmas dhe u martova me të gjitha për të bërë një familje të madhe të lumtur”.