“Me cep të syrit shikojnë…”/ Analisti i njohur zbulon prapaskenat e aksionit opozitar: Nuk e kanë me Ramën por…

Analisti Plator Nesturi ishte këtë të hënë i ftuar në një intervistë për Euronews Albania ku tha se skena që pamë sot te Kryesia e Kuvendit ku deputetët e opozitës u futën nga dritaret në gostinë, nuk është një aksion i opozitës.

Ai tha se deputetët e opozitës duhet të merren me çështje më të rëndësishme, siç ishte buxheti, por ata sipas Nesturit, i druhen SPAK-ut dhe nuk e kanë mendjen te kundërshtari i tyre politik.

“Ajo që pamë sot, ishte ky aksion, që nuk e di sa aksion është, kur ndërkohë duhet të merren me çështje më kardinalë, aq më tepër që diskutohet buxheti i shtetit. Nëse opozita ka një aksion të madh ai duhet të jetë për buxhetin.

Këtë e kanë harruar dhe pavarësisht se përplasen sa më fortë se është Rama që po i pengon, ata kur kalojnë hekurat dhe dritaret, nuk e kanë mendjen te Rama, por me cep të syrit shikojnë SPAK-un. Kjo është një fatkeqësi që një forcë kaq e madhe politike sa Partia Demokratike, të bëhet peng e axhendave apo interesave të caktuara, këtë askush nuk e justifikon dot më”,-tha Plator Nesturi.

Related posts

A mund të drejtojë Argita Malltezi PD-në?! Habit Bardhi me përgjigjen e tij

Mblidhet kryesia e PD, ja data kur do të mbahet protesta kombëtare

Deklarata e fortë e Spiropalit: Unë dhe treçereku i ministrave e deputetëve mund të mos jemi më në…