Më 27 Maj, të premten, do të kalojë pranë Tokës një asteroid gjigand, potencialist i rrezíkshëm. Edhe pse nuk do të jetë i dukshëm me sy të lirë, si astronomët profesionistë ashtu edhe ata amatorë mund ta shikojnë shkëmbin e madh hapësinor teksa kalon.
Asteroidi 7335 (1989 JA) është një asteroid me gurë i tipit Apollo (ashtu si asteroidi Chelyabinsk që hyri në atmosferën e Tokës në vitin 2013, duke thyer dritaret e banesave në mbi gjashtë qytete ruse). Asteroidi 7335 (1989 JA) nuk do të afrohet aq shumë, por do të jetë kalimi më i afërt i llogaritur i këtij shkëmbi të veçantë hapësinor deri më sot dhe për 200 vitet e ardhshme.
Asteroidi 7335 (1989 JA) rrotullohet rreth diellit çdo 2,35 vjet. Ka një diametër të vlerësuar prej 1,100 metra, ose rreth 10 fusha futbolli. Afrimi më i afërt me Tokën ndodh në orën 14:26 UTC (10:26 ET) më 27 maj. Por mundësia më e mirë për ta parë me teleskop nga oborri i shtëpisë vjen dy netë përpara fluturimit të tij më të afërt, kur shkëmbi hapësinor do të reflektojë dritën e diellit.
Për shkak të madhësisë së tij. asteroidi 7335 (1989 JA) klasifikohet si një asteroid potencialisht i rrezíkshëm . Por nuk ka absolutisht asnjë rrezík gjatë fluturimit të vitit 2022. Shkëmbi hapësinor do të jetë deri në 10.5 herë distanca Tokë-Hënë, në 2.5 milionë milje ose 4.011.441 km nga sipërfaqja e Tokës./ Burimi: EarthSky