Pas mbylljes së bashkëpunimit me Edi Martini, Teuta duket se e ka gjetur zëvendësuesin e trajnerit shkodran. Tekniku i ri i durrsakëve pritet të vijë nga një eksperiencë në Kategorinë e Parë.
Mësohet se Diego Longo do të marrë drejtimin e Teutës për sezonin e ardhshëm. Tekniku italian është zgjedhur për të nisur rindërtimin e skuadrës durrsake.
Longo vjen te Teuta pas një eksperience në Kategorinë e Parë ku drejtoi Flamurtarin. Më parë në Shqipëri, 47-vjeçari ka qenë dhe në detyrë si trajner te Kukësi.