Hapet sërish drita jeshile për privatizimin e Klubit të Futbollit Lushnja. Dje, në mesditë, u zhvillua mbledhja e Këshillit Bashkiak të Lushnjës, ku u trajtua edhe një herë çështja e dështimit të shitjes së aksioneve të klubit me ankand.
Ky dështim ka ndodhur tre herë radhazi, duke shtuar pritshmëritë dhe tensionin mes sportdashësve lushnjarë. Anëtari i Këshillit Bashkiak, Klement Çela, theksoi rëndësinë e seriozitetit në procesin e ardhshëm: “Unë këmbëngula që këtë punë duhet ta marrim seriozisht. Procedura do të nisë nga e para pas ankandit të katërt. Do të rimerret vlerësuesja e klubit për të bërë vlerësimin nga e para. Pas këtij vlerësimi, mund të ndryshohen kriteret, gjithmonë me dakordësinë e asamblesë së aksionerëve. Mund të ketë një ndarje tjetër, jo 100%, por ndoshta 70% me 30%, në favor të privatit. Ky është fokusimi kryesor dhe që ka interes për ankandin.”
Në lidhje me terrenet sportive, Çela sqaroi: “Terrenet nuk janë marrë ende në dorëzim, sidomos aneksi stërvitor pranë spitalit, sepse pritet që ta ritrajtojë FSHF-ja. Nuk është marrë ende në dorëzim pasi ka dështuar fusha dhe pritet ritrajtimi i saj nga Federata.