Gjykata e Elbasanit ka liruar nga burgu ish-ministrin e Brendshëm Saimir Tahirir, duke vendosur që ta kryejë pjesën e mbetur të dënimit në “Arrest shtëpie”.
Vendimi u mor sot nga gjyqtarja Matilda Fetahu. Pjesën e mbetur të dënimit, prej gati 1 vit e disa muaj Saimir Tahiri do ta kryejë në shtëpi.
Vendimi është marrë pas një ekspertize mjekësore që përcakonte se Tahiri nuk mund të qëndronte më në burg.
Raportohet se ky vendim u bazua tek gjendja familjarëve të Tahirit, pas vdekjes së babait të tij, si edhe për shkak të fëmijëve dhe nënës së sëmurë.
Më 4 shkurt të vitit 2022, Apeli i Gjykatës Kundër Krimit të Organizuar dhe Korrupsionit pas një seance maratonë, dënoi Tahirin me 5 vite burg për ‘Shpërdorim të detyrës’. Por me gjykim të shkurtuar dënimi u ul në 3 vite e 4 muaj burgim.
Tahiri u dënua vetëm për “Shpërdorim detyre” duke i ‘shpëtuar’ akuzave “Korrupsion të zyrtarëve të lartë”, “Trafik të lëndëve narkotike kryer në bashkëpunim” dhe “Grup të strukturuar kriminal”.