Kukësi nuk ia doli për të 3-tin vit radhas të siguronte Europën. Një dështim mund të kosiderohet ky sezon, pasi verilindorët ia dolën të sigurojnë mbijetesën vetëm në javën e fundit. E në të tilla raste revolucioni që do të ndodhte në skuadër do të ishte i pashmangshëm.
Nga Kukësi janë larguar plot 16 futbollistë me të cilët drejtuesit kanë negocionuar edhe prishjet e kontratave, pasi nuk janë më në planet e tyre., në ëktë kushte operacionit “fshesa” deri tani i kanë shpëtuar evtëm 4 lojtarë.
Bëhet fjalë për Angelo Tafas, Abdou Mbarak që kanë kontratë deri në vitin 2025 si dhe Atdhe Radhiti dhe Franko Lamçe deri në vitin 2026. Të 4 lojtarët aktualisht vazhdojnë pushimet , por gjithësesi e ardhmja e tyre mund të mos jetë e sigurtë në Kukës.
Duke parë kontratat që kanë lojtarët drejtuesit mund të ndërtojnë skuadrën e ardhme rreth tyre, por deri atëherë ajo që dihet me siguri është se Kukësi ndodhet në “ajër”, pasi deri tani ka veç largime dhe asnjë afrim.