Ekspertët kanë ngritur alarmin mbi një infeksion të ri seksualisht të transmetueshëm që po përhapet në Mbretërinë e Bashkuar.
Britanikët po raportojnë një rritje të rasteve të “Mycoplasma genitalium”, e njohur edhe si” Mgen, M. Genitalium” ose “MG”.
Sipas mjekëve, infeksioni shfaqet me simptoma të tmerrshme dhe të dhimbshme, por në disa raste mund të qëndrojë në “gjumë” për vite me rradhë dhe në momentin e zbulimit, te jetë shumë vonë për trajtim.
Mjeku i përgjithshëm në “LloydsPharmacy Online Doctor”, Dr Neel Patel, shpjegon: “Mgen është një infeksion seksualisht i transmetueshëm (IST) që shkaktohet nga një bakter i vogël i quajtur Mycoplasma genitalium që infekton traktin urinar dhe gjenital të burrave dhe grave. Ai mund të përhapet si nga seksi vaginal ashtu edhe nga ana anale, megjithëse transmetimi mund të ndodhë edhe pa depërtim.”
Mgen konsiderohet si një infeksion seksualisht i transmetueshëm ri. Infeksioni u zbulua në 1981 dhe një test i besueshëm për të u bë i disponueshëm vetëm në vitin 2017. Shumica dërrmuese e burrave dhe pak më shumë se gjysma e të gjitha grave të infektuara me IST nuk shfaqin asnjë simptomë.
Por disa njerëz do të shfaqin simptoma, zakonisht një deri në tre javë pas infektimit, megjithëse kjo ndryshon.
Simptomat tek meshkujt përfshijnë:
Dhimbje gjatë urinimit
Shkarkimet e bardha nga penisi
Djegie ose kruajtje nga uretra
Kruajtje ose rrjedhje nga anusi (nëse keni bërë seks anal)
Dhimbje në testikuj
Simptomat tek femrat përfshijnë:
Dhimbje gjatë urinimit
Shkarkim i pazakontë vaginal
Dhimbje në stomak ose legen
Dhimbje gjatë seksit
Gjakderdhje pas seksit
Gjakderdhje e dhimbshme midis periodave
Kruajtje ose rrjedhje nga anusi (nëse keni bërë seks anal)