Kristjan Asllani pritet të largohet nga Torino, pasi nuk është në planet e klubit. Interi në anën tjetër do i hapë rrugë përfundimit të huazimit, vetëm pasi të ketë siguruar ekipin e ri ku Asllani mund të mbyllë sezonin. Së fundmi raportohet se Sassuolo dhe Parma po interesohen te zikaltrit për shërbimet e mesfushorit shqiptar.
Të dyja skuadrat e Seria A janë në nevojë, për një mesfushor me karakteristikat e Asllanit siç raportohet nga “Sportitalia”. Vetë Interi ndërkohë e sugjeroi te Fiorentina, që më parë shfaqte interes për Asllanin. Kristjan Asllani e refuzoi kategorikisht Sasuolon gjatë verës. Po ashtu të njëjtën gjë bënte edhe me ofertat, që mbërrinin nga jashtë Italisë.
23-vjeçari po kalon një periudhë të vështirë në Itali. Te Torino ishte si rrufe në qiell të hapur vendimi për ta nxjerë jashtë planeve. Më parë ishte aktivizuar thuajse rregullisht si titullar, ndërsa ndaj Veronës nuk mori asnjë minutë.
1 comment
Comments are closed
Add Comment