Një plagosje ka ndodhur pasditën e sotme në Shkodër. Nga të shtënat me armë ka mbetur i plagosur 24-vjeçari Jaser Osmani në kofshë. Plagosja ka ndodhur pas një konflikti çasti mes Osmanit dhe një 46-vjeçari. Autori është shpallur në kërkim nga policia. Ndërkohë që i plagosuri ndodhet jashtë rrezikut për jetën.
Policia ka sjell njoftim shtesë për plagosjen pasditen e sotme në Shkodër. Bëhet me dije se autori është një 46-vjeçar banues në Shkodër. Ndërkohë që plagosja ka ndodhur pas një konflikti të çastit mes autorit dhe të plagosurit. Autori është shpallur në kërkim dhe po punohet për arrestimin e tij.
Njoftimi i Policisë:
Shkodër/Informacion shtesë Policia identifikon dhe vijon punën për kapjen e autorit të plagosjes së 24-vjeçarit. Falë veprimeve të shpejta në vendngjarje, grupi hetimor ka identifikuar autorin e dyshuar, shtetasin G. M., 46 vjeç, banues në Shkodër. Nga hetimet paraprake dyshohet se shtetasi G. M., pas një konflikti të çastit me shtetasin J. O., e ka plagosur atë me armë zjarri pistoletë dhe është larguar menjëherë nga vendi i ngjarjes. Shërbimet e Policisë vijojnë kontrollet për kapjen e 46-vjeçarit.