Në qytetin e Göteborgut, në stadiumin “Nya Ullevi”, Kosova realizoi një supersukses, duke triumfuar me rezultatin 0-1 ndaj Suedisë, në një përballje për rrugëtimin kualifikues drejt Kupës së Botës 2026. Skuadrat hynë në këtë përballje me pritshmëri të lartë: Suedia e konsideruar favorit, por me presion të madh për të mos pësuar surpriza, ndërsa Kosova vinte si me ambicie dhe besim.
Në minutën e 32-të, lojtari i ri Fisnik Asllani zhbllokoi ndeshjen për Kosovën, me një goditje të saktë, që surprizoi mbrojtjen suedeze dhe portierin vendas. Ky gol përbënte goditjen e takimit dhe detyroi Suedisë të reagojë me forcë për pjesën e mbetur. Pas pushimit, Suedia dominoi lojën dhe krijoi disa mundësi, por rrjetat nuk u tundën. Kosova organizoi mirë mbrojtjen, tregoi disiplinë dhe ftohtësi nën presion. Në minutat shtesë, tensioni ishte i lartë, por Kosova mbajti rezultatin dhe e kremtoi fitoren e madhe 0-1 në transfertë.
Kjo fitore sjell për Kosovën jo vetëm tre pikë të çmuara, por edhe një mesazh: se rivalët nuk mund të nënvlerësojnë “Dardanët”. Fitorja në tokë suedeze është një faqe e re në historinë e futbollit kosovar. Një ndeshje ku përkushtimi, organizimi dhe besimi dhanë frytet, dhe ku rezultatet dhe emocionet nuk do të harrohen shpejt.