Sot është zhvilluar një nga ndeshjet më të rëndësishme në “Albi Mall Superliga”. Ballkani ka mposhtur me rezultatin 1-2 Dritën në atë që mund të konsiderohet edhe “derbi” I Kosovës për këtë sezon, duke qenë se të dy ekipet janë në garë të fortë për titullin kampion. Korenica zhbllokoi rezultatin që në minutën e 11, ndërsa Drita barazoi me anë të Jasharit dy minuta para përfundimit të pjesës së parë. Por rezultatin përfundimtar u vendos nga Lumbardh Dellova, i cili me golin e shënuar në minutën e 85 i dha fitoren skuadrës nga Suhareka.
Me tre pikët e marra sot, ekipi i Ilir Dajës shkon në kuotën e 66 pikëve, po aq sa Drita, me të cilën ndan vendin e parë. Tashmë titullin e humb ai që do të gabojë në tre ndeshjet e mbetura. Kalendari duket më i vështirë për Dritën, të cilën e pret derbi i qytetit me Gjilanin. Një përballje ku padyshim nuk ka fitues të sigurt. Në rast suksesi, Ilir Daja do të shpallej kampion i Kosovës për herë të dytë radhazi.