Trajneri Yeray Rodriguez njoftoi dorëheqjen e tij nga posti i trajnerit të Apolonisë. Sipas mediave spanjolle, ky vendim erdhi pas dy javësh bisedime të pafrytshme me presidentin e klubit fierak.
Rodriguez, i cili erdhi në stolin e Apolonisë këtë sezon, shpjegoi për portalin “LanzaroteDeportiva.com” se vendimi i tij ishte për shkak të këndvështrimeve të ndryshme me menaxherin e lartë në lidhje me mënyrën e punës së përditshme dhe nënshkrimet që bëheshin në klub.
“Projekti nuk i plotësonte kushtet që ishin ofruar në fillim me objektivin e promovimit. Vura re mungesë profesionalizimi në disa aspekte dhe nuk ndihesha rehat me situatën. Pas dy javë bisedimesh, dorëzova dorëheqjen”, deklaroi Rodriguez.