Tirana nuk arriti të merrte më shumë se një barazim 1-1 ndaj Skënderbeut dhe del nga Korça me një pikë që nuk i bën aspak punë në garën për vendin e parë. Pas ndeshjes trajneri Ahmataj dha prononcimin e tij për MCN TV dhe u shpreh kështu:
“Përgjigje pozitive nga skuadra pasi në shumë momente të lojës bëmë atë që punuam. E kishim të thjeshtë për ta zgjidhur ndeshjen por i sfumuam këto raste. Skënderbeu bëri maksimumin pasi ishte në shtëpi, normale. Fundi i ndeshjes na dha pak vështirësi.
Pas 25 minutave të para patë Tiranën që ishte përgatitur në stërvitje. Presioni i rezultateve e nxjerr pak skuadrën dhe ishim disi nervoz. Por u rikthyem dhe për minuta të tëra ishim në lojë dhe shumë të rrezikshëm. Mungesat dhe aktivizimi i lojtarëve të rinj të talentuar na vunë pak në vështirësi. Kemu rrugë të madhe për të bërë.
-8 pikë nga kreu? Ka shumë ndeshje dhe vazhdimësia do të tregojë ecurinë e skuadrave. Janë edhe shumë, edhe pak pikë. Duhet të rrisim veten tonë në aspektin fizik e taktik. Kemi cilësi, lojtarë, por edhe talentë të rinj. Duhet eksperienca dhe forca e duhur për të përballuar nivele të larta.
Jam shumë i kënaqur nga ajo që dha skuadra. Situata është shumë e qetë, çdo trajner ka karakteristikat e veta. Mua më shqetëson kur loja nuk shkon siç e përgatisim. Kur filluam të luanim mirë, isha më i qetë. Cilësinë e kemi, duhet vetëm ekuilibër.”