KATEGORIA E PARË/ Merkato e Besës në ajër, klubi verdhezi duht të riformatojë të tria repartet

Disa ditë më parë, presidenti Nexhat Bizhdili deklaronte plot entuziazëm se kishte gati një “ushtri” me futbollistë, duke specifikuar edhe nga do të vinin ata. Të njëjtën gjë e konfirmoi edhe trajneri Lorenc Pashja. Kaq mjaftoi që tifozët të merrnin zemër dhe besonin vërtetë se diçka e mirë po vjen. E megjithatë, deri më tani mungojnë prezantimet.

Tashmë që na ndajnë dy javë nga starti i fazës përgatitore, askush nuk di të thotë çfarë Bese do të shohim sezonin 2023-2024. Mund të ndodhë të krijohet një ekip i fortë, por deri më sot numërohen me gishta lojtarët që kanë mbetur pjesë e organikës së verdhezinjve.

Janë larguar thuajse pjesa kryesore e formacionit, duke filluar nga Dobjani, Ramilli, Reçi, Dalipi, Raza, Onuh dhe Ntepe, ndërkohë që emra si Nurja, Osma, Sulovari, Hoxha e të tjerë nuk e konfirmojnë as që do të qëndrojnë as që do të largohen, por thonë “se po flasin me presidentin”.

Në këto kushte, kur dihet edhe publikisht se Besa do të luajë jashtë Kavajës, fillimi i korrikut pritet me kërshëri të madhe se çfarë do të ndodhë me ekipin. Besohet se nga e hëna e ardhshme do të mësojmë edhe emrat e parë, fillimisht të atyre që do të rinovojnë dhe paralelisht atyre që do të vijnë si përforcime. Besës do t’i duhet të riformatojë të tria repartet pas largimeve të shumta.

Related posts

FOTO/ Statistika zhgënjyese për Partizanin, në 180 minuta ndaj Laçit vetëm 2 goditje në portë

Moment i veçantë! Papa Françesku “bekon” fanellën kuqezi, takimi me Armand Dukën (video)

“Kupa është një mundësi e mirë”, Ivan Gvozdenovic sfidon Vllazninë në ndeshjen e ardhshme: Do të luajmë fort, nuk dorëzohemi