Në Kategorinë e Dytë të gjithë po flasin për Pogradecin, Luftëtarin apo Besëlidhjen, skuadra që po luftojnë fort për të arrritur Kategorinë e Parë, por harrojnë se një skuadër që po bën surprizën e madhe është Turbina. Në fillimin e sezonit, drejtuesit i besuan stolin Vladimir Gjonit, i cili nuk i bëri një nisje të mirë kampionatit. Pas shumë humbjeve, skuadra ndodhej në fundin e klasifikimit dhe nuk kishte më objektiva, presidenca shkarkoi teknikun dhe largoi disa lojtarë që ishin të super-paguar.
E gjithë çështja ishte te trajneri i ri. Presidenca mendoi ti besonte stolin një ish-lojtari si Xhynejt Çutra. Pa eksperiencë në stol, ai po bën një punë kolosale me lojtarë të rinj, të cilët duken se kanë dëshirë dhe po ndjekin me vëmendje filozofinë e tij. Aktualisht në katër ndeshje të zhvilluara, Çutra ka marrë 3 fitore dhe një barazim. Suksesi 1-0 ndaj Butrintit, 0-3 ndaj Labërisë, barazimi 1-1 ndaj Delvinës, dhe së fundmi një sukses i rëndësishëm ndaj Devollit në transfertë.
10 pikë që deri më tani asnjë trajner me eksperiencë në Kategorinë e Dytë nuk e ka arritur një statistikë të tillë. Aktualisht Turbina renditet në vendin e 7-të dhe Play-Off është vetëm 2 pikë larg, andaj të gjithë besojnë se objektivi është mëse i arritshëm.