AF Elbasani dhe Kastrioti zhvilluan mes tyre sfidën e parë të sezonit në Kategorinë e Parë. Kjo përballje pëërfundoi 1-1, me skuadrat që ndajnë kështu nga një pikë.
Por përveç dy pikëve të humbura nga elbasanasit, duket se krutanët i kanë “sakatuar” edhe me lojtarë. Dy titullarët e Elbsanit nuk do të jenë të gatshëm për duelin e ardhshëm me Vorën.
Bëhet fjalë për Edon Hasanin, i cili u ndëshkua me karton të kuq dhe do të jetë mungesë e sigurtë për duelin e ardhshëm. Por sikur të mos mjaftonte vetëm kaq, një tjetër lojtar u dëmtua gjsatë një dueli me portierin e krutanëve. Spartan Ajazi ka marrë një dëmtim në shpatull, që e cila bën me “dhimbje koke” Deden, pasi duhet prarë edhe shkalla e dëmtimit të lojtarit.
Nevil Dede tashmë duhet të mendojë për zëvendësuesit dhe ndaj Vorës nuk do të tolerojë rezultat tjetër përveç fitores.