Largimi i Bruno Telushit ka lënë një boshllëk në mesfushë, por edhe në mbrojtje, ku ndeshjet e fundit futbollisti vlonjat u spostua në qendër duke bërë paraqitje shumë të mira. Drejtuesit e klubit kryeqytetas janë futur në merkato për të gjetur një lojtar me profilin e Telushit.
U përfol për Dragan Lovric por në orët e fundit për kroatin ka ardhur një ofertë më e mirë ekonomike nga një ekip rumun. Partizani ka hyrë në bisedime me një tjetër lojtari si Ramen Cepele. 20-vjecari ka dalë nga akademia e Interit dhe është aktivizuar me Hanoverin e dytë në Gjermani.
Abilaliaj mësohet se ka biseduar me agjentin e lojtarit Altin Lalën por ish-mesfushori i Kombëtares po sheh dhe për pista të tjera dhe nëse nuk gjen mundësi më të mira shum shpejt Cepele mund të vishet i kuq. Cepele është grumbulluar me Kombëtaren në vitin 2020 dhe është aktivizuar në takimin me Kosovën, përballje miqësore.