Justin Bieber po kalon paralizë në fytyrë pasi u diagnostikua me një sëmundje të rrallë.
“Doja t’ju informoja për atë që po ndodh. Natyrisht, siç mund ta shihni me siguri nga fytyra ime, unë kam një sindromë të quajtur sindroma Ramsay Hunt dhe është nga ata viruse që sulmojnë nervin në veshin tim dhe nervat e fytyrës sime dhe ka bërë që fytyra ime të ketë paralizë.”– tha ylli i popit në një video në Instagram.
Sipas spitalit Mount Sinai të Nju Jorkut , sindroma Ramsay Hunt karakterizohet nga një skuqje e dhimbshme rreth veshit, në fytyrë ose në gojë. Ajo bëhet më rëndë kur virusi varicella-zoster infekton një nerv në kokë, duke shkaktuar ndonjëherë paralizë.
“Siç mund ta shihni, ky sy nuk po pulson. Unë nuk mund të buzëqesh në këtë anë të fytyrës sime. Kjo vrimë e hundës nuk do të lëvizë, kështu që ka paralizë të plotë në këtë anë të fytyrës sime,”vazhdoi Bieber, duke bërë shenjë në anën e djathtë të fytyrës.
“Pra, për ata që janë të frustruar nga anulimet e mia të shfaqjeve të ardhshme, unë thjesht fizikisht nuk jam i aftë t’i bëj ato. Kjo është mjaft serioze siç mund ta shihni. Do të doja të mos ishte kështu, por padyshim që trupi im po më thotë që duhet të ngadalësoj ritmin.”- vijon ai.