Egnatia duket se ka gati “gjahtarin” e golit. Raphael Dwamena ka lënë një boshllëk në repartin e sulmit te rrogozhinasit, të cilët tashmë kanë gjetur zëvendësuesin ideal të kapitenit të tyre.
Jurguens Montenegro është qendërsulmuesi që ka arritur akordin me klubin rrogozhinas, pasi ishte pjesë e LD Alajuelense në Costa Rica. Mësohet se rrogozhinast kanë shpenzuar plot 150 mijë euro për shërbimet e tij dhe tashmë pritet vetëm zyrtarizimi.
Një shumë e konsiderueshme nga rrogozhinasit, të cilët nuk kursehen për t’i sjellë Edlir Tetovës sulmuesin e kërkuar në mënyrë që skuadra të vazhdojë me rezultatet pozitive për të arritur te obejtivi vendosur nga klubi.
Kujtojmë se sulmuesi ka luajtur në 21 ndeshje isi titullar i padiskutueshëm duke gjetur rrjetën 5 herë dhe dhënë 3 asistime. Montenegro do të jetë në dispozicion të trajnerit Tetova nga janari.