Mbrëmja e djeshme ishte nata e finales së Big Brother Vip Albania.
Në përballje me Julian Dedën këtë edicion e fitoi aktorja Egla Ceno.
Një garë shumë e fortë për të dy aktorët e cila është komentuar shumë nga publiku. Egla Ceno dhe Julian Deda janë dy nga protagonistët e këtij edicioni të BBV duke fituar zemrat e publikut edhe pse kishin mosmarrëveshje të shumta me njëri-tjetrin.
Dyshja kanë deklaruar që gëzojnë respekt edhe pas debateve dhe situatave të pakëndshme që kanë kaluar bashkë.
Menjëherë pas shpalljes së fituesit mbrëmjen e djeshme, Julian Deda ka takuar edhe nënën e kundërshtares së tij, e cila i rrëmbeu çmimin e madh, duke e uruar për të bijën dhe duke i thënë se e ka merituar.
Nëna e aktores e ka komplimentuar aktorin duke i thënë që kanë fituar të dy ndërsa Juli i ka bërë disa komplimente dhe i ka kërkuar ndjesë për shqetësimet që i kanë sjellë.
Nëna e Eglës: A ishit në lojë?
Jul Deda: Ti me atë kapelën më ke pëlqyer shumë sot, je gjigande fare.
Nëna e Eglës: Më gjigand se ju nuk bëhem dot unë.
Jul Deda: Urime! E ka merituar (e puth)
Nëna e Eglës: Të gjithë keni fituar.
Jul Deda: Ju kemi sjellë pak shqetësime por nuk kishim se çfarë të bënim.
Nëna e Eglës: Epo kështu ishte loja.
Jul Deda: Epo kështu ishte gërr-vërr.