Java e 25-të e Kategorisë së Parë ka dhuruar rezultate shumë interesante, të cilat në fakt kanë dhënë verdiktin e sezonit edhe për dy ekipe të tjera.
Oriku dhe Turbina janë dy skuadrat të cilat do të shoqërojnë Besëlidhjen dhe Tërbunin në Kategorinë e Dytë në edicionin e ardhshëm. Edhe pse vlonjatët fituan 4-2 ndaj Lushnjës, kjo nuk u mjaftoi për të qëndruar mes të mirëve pasi diferenca me ekipet që kanë më lart nuk u lejon që të shpresojnë për mbijetesën. Ndërkohë, Turbina u mund 4-1 nga Burreli dhe po ashtu zbret më poshtë.
Në rezultatet e sotme bie në sy kthimi te fitorja i Flamurtarit që kërkon të përforcojë pozitat në zonën play-off, Ndërsa Skënderbeut kishte luksin që të luante një ndeshje të qetë dhe të mundej në shtëpi nga Besa.