I ftuar në emisionin “Proçesi Sportiv” ishte ish-arbitri i njohur Lorenc Jemini i cili ka komentuar penalltinë e shumëfolur të Vllaznisë ndaj Partizanit, ku Jemini deklaron se ky episod nuk ishte penallti sepse dora ishte në pozicion natyral:
“Ka tre ditë që flitet për këtë rast. Nuk është penallti sepse dora është pozicion natyral. Dora dhe qëllimi janë kryesoret për penallti. Dora duhet të iki në simetri me trupin.
Më parë çdo prekje me dorë jepej penallti, tani dora duhej të jetë në simetri me trupin sepse varet sesi është lëvizja dhe pozicioni natyral dhe jo natyral. Lojtari nuk ka qëllim, po të ketë qëllim lojtari do ta kishte hapur krahun. Arbitri e ka episodin e penalltisë 7 metra larg, dhe arbitri sheh nga kornia.
Interpretimi nuk ishte i rregullt. Ai beson arbitrat e tjerë kur e kanë pamjen zero ndërsa Jorgji e kishte të pastër fare.”, përfundoi Jemini.