Superiorja mbylli javën e parë me dy ndeshjet e luajtura mbrëmjen e së hënës, Partizani – Vllaznia dhe Skënderbeu – Elbasani. Ajo ç’ka ra në sy në këtë javë ishte problemi i sezonit të fundit… tifozët. Në 5 ndeshjet e javës së parë ishin vetëm 4900 tifozë nëpër shkallët e stadiumeve.
Një numër i paktë tifozësh në shumicën e sfidave, ndërsa ajo që spikati më së shumti ishte Skënderbeu – Elbasani. Në ndeshjen e zhvilluar në Korçë, ishin “Tigrat Verdheblu”, të cilën “pushtuan” shkallët e stadiumit “Skënderbeu”. Plot 2 mijë tifozë, ku elbasanasit gjysma ose më tepër e bënë sfidën akoma më interesante.
Pas kësaj sfide, vjen ajo mes Partizanit dhe Vllaznisë, me 1 mijë e 200 tifozë në “Arenën e Demave”. Në Laçi – Tirana 750 tifozë, ndërsa në “Niko Dovana” aty ku Teuta sfidoi Bylisin ishin 600 tifozë. Sfida që zhgënjeu më shumë ishte ajo mes Dinamos dhe Egnatias, të cilët u ndoqën vetëm nga 350 tifozë në shkallët e “Elbasan Arena”.
4.900 tifozë në të 5 ndeshjet e Superiores:
Dinamo – Egnatia (350 tifozë)
Teuta – Bylis (600 tifozë)
Laçi – Tirana (750 tifozë)
Partizani – Vllaznia (1200 tifozë)
Skenderbeu – Elbasani (2000 tifozë)