Publikimi i flamurit Autochtonus në rrjetet sociale, reagimi i ashpër i serbëve, ofendimet e këngëtarëve nga Serbia kundrejt Dua Lipës – të gjitha këto, morën gjithë vëmendjen mediatike. Dua Lipa sqaroi se postimi i saj në Instagram nuk kishte si qëllim nxitjen e urrejtjes, por përdoruesit serbë nuk ndanin të njejtin mendim.
Babai i Duas, Dukagjin Lipa, së fundmi ka qenë i ftuar në “A Show”, ku ka ngritur një tjetër shqetësim. Ai ka deklaruar se nuk është kosovar, por shqiptar i Kosovës, duke kritikuar kështu termin e përdorur thuajse nga të gjithë. “Unë jam shqiptar, unë nuk jam kosovar, unë jam shqiptar nga Kosova. Dua Lipa është shqiptare që ka lindur në Britani”, u shpreh Dukagjini.
Në këtë mënyrë, familja Lipa kanë shprehur edhe një herë krenarinë për vendin e origjinës. Dukagjini është mbështetësi më i madh i Duas, njëkohësisht edhe iniciator për përfshirjen e së bijës në muzikë. Vetë ai, ka ushtruar profesionin e muzikantit në Prishtinë, talent të cilin e ka trashëguar edhe Dua.