Tirana fitoi 1-2 në Gjeorgji përballë Dinamo Batumit (Lushkja, Deliu), triumf që solli kualifikimin në raundin e dytë të Conference League. Aty ku bardheblutë do të sfidojnë turqit e Besikatasit.
Trajneri Orges Shehi, në prononcimin pas ndeshjes theksoi rëndësinë e kalimit të raundit të parë. Ndërkohë që zbuloi edhe kërkesën ndaj ekipit përpara duelit me Dinamon.
“Jemi të lumtur që kaluam turin. Po mendojmë të ndërtojmë një skuadër të mirë edhe për vazhdimësinë. e e dinim që kur u hodh shorti që do të kishim përballë një nga ‘gjigantët’ e futbollit turk. U kërkova lojtarëve që duhet të bëjmë maksimumin për të kaluar këtë tur. Që të shijojmë pastaj përballjen me këtë kundërshtar.
Dihet forca që ka Besiktasi, por më vjen mirë që kaluam turin, sepse është një motiv ana psikologjike për lojtarët, është një bonus. Ana psikologjike është shumë e rëndësishme”, deklaroi Shehi.