Ditën e enjte, në orën 20:45 në kryeqytet, Dinamo luan shansin e fundit ndaj Jagiellonia-s. Polakët vijnë në Tiranë me avantazhin e tre golave, cka ia vështirëson shumë kualifikimin dinamovitëve, të cilët do të bëjnë maksimumin për një prezantim sa më dinjitoz. Tifozët e ekipit polak Jagiellonia, që janë pro serb, sapo kanë arritur në Tiranë dhe kanë pozuar në sheshin e qytetit. Kujtojmë se ky tifogrup vazhdimisht shfaq parulla pro serbe dhe kundër Kosovës.
Huliganët kanë bërë edhe një provokim tjetër në rrjetet sociale, duke shkruar:
“I shkatërruam 3:0 në tokën tonë, pa mëshirë. Por ende nuk ka mbaruar. Do të shkojmë në Tiranë për të ngulur gozhdën e fundit në arkivol dhe të mbyllim dy ndeshjet siç i ka hije Jagas.”
Ndeshja e kthimit zhvillohet të enjten në “Arenën Kombëtare” në Tiranë, dhe pritet një atmosferë e tensionuar për shkak të pranisë së tifozëve të organizuar polakë.
Prej vitesh ata shquhen për prijet pro-serbe dhe anti-shqiptare, teksa shpesh herë kanë shfaqur banderola me shkrimin “Kosova është Serbi”.