Në moshën e tretë, njerëzit kanë nevojë për më pak kalori, duke qenë se nuk janë më aktivë fizikisht dhe metabolizmi është i dobësuar.
Pavarësisht kësaj, trupat e tyre kanë nevojë për sa më shumë ushqyes , pra vitamina, minerale, antioksidantë, fibër e proteina, për të siguruar një shëndet optimal dhe mbi të gjitha energji.
Ushqimet e Duhura Energjike Për Moshën e Tretë
Ushqyesit e lartpërmendur gjenden me bollëk nëse secili prej nesh zbaton një regjim ushqimor siç është ai i Mesdheut.
Frutat Dhe Perimet
Frutat dhe perimet janë shumë të rëndësishme në çdo moshë, por për të moshuarit ato janë të domosdoshme sepse ofrojnë fibër, proteinë, antioksidantë, vitamina dhe pak kalori.
Ato janë një burim krejt natyral energjie dhe plotësojnë nevojat më imediate të organizmit.
Drithërat e Plota
Ndryshe nga drithërat e përpunuara siç është mielli apo orizi i bardhë, drithërat e plota janë të mbushura me ushqyes të domosdoshëm.
Konsumi i një sasie të vogël prej 30 gramë drithërash të plota në ditë mund të ulë rrezikun e sëmundjeve të zemrës dhe të diabetit të tipit 2.
Sa i përket kësaj sëmundjeje, drithërat e plota janë të duhurat sepse pengojnë luhatjet e nivelit të sheqerit në gjak.
Peshku
Peshqit e detit dhe të oqeanit janë të pasur me acide yndyrore omega-3, të cilat kanë lidhje të drejtpërdrejtë me përmirësimin e kujtesës, shëndetit të trurit dhe humorit.
Salmoni, skumbria, trofta, sardelet etj janë ndër burimet më të pasura të këtyre acideve yndyrore.
Produktet e Bulmetit Me Pak Yndyrë
Nevojat për kalçium dhe vitaminë D janë të mëdha në moshën e tretë.
Produktet e bulmetit me pak yndyrë janë jo vetëm energjikë por edhe kanë një ndikim të pakët në nivelin e sheqerit në gjak, ndryshe nga ushqimet e përpunuara.
Qumështi, gjiza, kosi, djathi dhe kefiri janë produkte të shëndetshme për çdo moshë, por kryesisht për atë të tretën.
Burimi: AgroWeb.org