Tirana i jep fund aventurës europiane pasi u mund edhe ndeshjen e dytë. Pasi humbi të parën në Stamboll me rezultatin 3-1, bardheblutë nuk arritën ta përballonin forcën e Besiktas duke u mundur edhe në “Air Albania” me rezultatin 0-2.
Një ndeshje jo e keqe nga të besuarit e Orges Shehit që pavarësisht golave të pësuar, krijuan shanse të pastra. Kujtojmë që për ekipin e Besiktas shënuan Amartey 57′ dhe Aboubakar 75′. Dy gola ku mbrojtja e Tiranës u tregua e përgjumur.