Kryeministri Rama ka lëshuar akuza të forta ndaj kreut të sindikatës së pedagogëve, Sandër Kovaçi, duke zhvlerësuar protestën e pedagogëve.
Ai shprehet se sindikata e tyre drejtohet nga anëtarë të SHIK-ut, duke u shprehur më tej se rritjen e pagës duhet ta harrojnë, por të vijojnë të nxjerrin fonde me anë të projekteve.
“Nuk jeni as si pensionistët, as si mësuesit as policët e zjarrfikësit.
Ata pedagogët me një të SHIK-ut në krye që kërkojnë rritje page kur jo vetëm u është rritur por më shumë se të tjerët, që përveç qeverisë ua rrit autonomia. Autonomia është përgjegjësi, ata që dalin ta harrojnë rritjen, sepse do e kenë zjarrfikësat dhe pensionistët të parët. Mesazhi im është i thjeshtë, nuk jeni as si pensionistët, as si mësuesit as policët e zjarrfikësit. Jeni me autonomi, do e nxirrni vetë me projekte. Pjesa më e madhe e pedagogëve nuk dalin për të bërë selfie te dera për t’i nxjerrë mediat por janë në mësim”, u shpreh Rama.