Interi thuhet se ka filluar të kërkojë zëvendësuesin e Achraf Hakimit në krahun e djathtë të mbrojtjes, dhe Manuel Lazzari, Hector Bellerin dhe Davide Zappacosta janë duke u lidhur me Nerazzurrët.
Hakimi duket se do të sakrifikohet për të rregulluar llogaritë te Interi dhe për të lehtësuar buxhetin, por ish-lojtari i Real Madridit është vështirë të zëvendësohet.
Reprezentuesi i Marokut arriti nga Real Madrid verën e kaluar dhe ndihmoi Interin të fitonte Scudetton e tyre të parë në 11 vjet.
Hakimi luajti 37 ndeshje në Serie A nën drejtimin e Antonio Contes sezonin e kaluar, duke kontribuar në shtatë gola dhe 10 asistime.
Por, mbrojtësi i krahut duket se do të largohet nga Milano tashmë pas një sezoni, pasi Interi po kërkon të fitojë të paktën 65 milionë euro nga shitja e tij.
Sipas mediumi La Gazzetta dello Sport, nga shuma e fituar, Interi është i gatshëm të shpenzojë 15 milionë euro për ta zëvendësuar atë dhe Nerazzurrët kanë si synim Lazzarin, mbrojtësin e krahut të Lazios.
Mbrojtësi i djathtë spanjoll i Arsenalit, Hector Bellerin përmendet gjithashtu si një operacion i mundshëm për të mbushur boshllëkun e lënë nga Hakimi, ndërsa 29-vjeçari Davide Zappacosta mund të jetë një opsion me kosto të ulët, pasi marrëveshja e tij me Chelsean skadon verën e ardhshme.
Denzel Dumfries është lidhur me Nerazzurrët, por mbrojtësi Hohlandez do të kushtonte shumë.