Ilir Daja është “profesor” në Europë dhe Trashi spektakolar me golin! Ballkani fiton në turin e tretë të Conf.League dhe i afrohet “Play-Offit” (video)

Ballkani vuajti në pjesën e parë, por bëri gjithçka mirë në të dytën dhe fitoi 2-0 kundër Lincoln Red Imps (Gjibraltar) falë dy eurogolave.

Skuadra e Ilir Dajës siguroi rezultat pozitiv në ndeshjen e parë të raundit të tretë në Conference League. Duke hedhur një hap të sigurt drejt kualifikimit në “play-off”.

Albin Berisha gjeti golin në 45 minutat e para, por u anulua për pozicion të parregullt. Sfida u zhbllokua pas një ore lojë. Super aksion i kampionëve të Kosovës.

Asist i bukur i Nazmi Gripshit dhe finalizim i saktë i Meriton Korenicës. Tri minuta më vonë u ndez sërish atmosfera në “Fadil Vokrri”. Me Lorenc Trashin që realizoi një kryevepër me “sallaken” e tij, duke i dërguar të gjithë në delir. Përfundimisht 2-0 për Ballkanin, që vijon të marshojë drejt grupeve të Conference League.

LORENC TRASHI DOUBLES THE LEAD WITH AN ABSOLUTE GOLAZO ON THE VOLLEY!!!
????️ @FootColic pic.twitter.com/PCNtSPZ3ac

— Football Report (@FootballReprt) August 10, 2023