Milan zyrtarizon Igli Taren, tifozët “masakrojnë” klubin në faqen zyrtare: Pa Maldinin nuk ka…

Igli Tare

Igli Tare është zyrtarisht drejtori sportiv i Milanit. Ndodh për herë të parë në historinë e kuqezinjve, që drejtori sportiv të mos jetë nga Italia.

Ky njoftim ishte paralajmëruar më parë, ndërsa vjen pas sezonit të dështuar nga Milani. Furlani arriti akordin pas disa takimeve me ish-drejtorin e Lacios, që ishte ndër pretendentët kryesorë prej fillimit të negociatave për drejtor sportiv.

Kontratë 2-vjeçare me të drejtë rinovimi edhe për një sezon tjetër është marrëveshja e arritur mes palëve. Paga e tij është raportuar të variojë nga 800 mijë euro.

Tare ndërkohë ka si mision kryesor të gjejë trajnerin e ri. Conceicao është me valixhe në duar, ndërsa përfliten disa opsione ku Vincenzo Italiano i Bolognas ishte dëshira kryesore. Me zyrtarizimin e Igli Tares, tifozët e Milanit vijojnë të protestojnë ashpër, në faqen zyrtare ne Facebook, të gjithë tifozët kanë kërkuar rikthimin e Paolo Maldinit, madje me të drejtë tifozët e konsiderojnë ish-kapitenin si ADN e klubit.

Lista e trajnerëve në duart e Tares

Lista e kandidatëve të mundshëm, me të gjitha ekipet e mëdha (ose pothuajse) që janë gati të ndryshojnë trajner, po zbrazet dalëngadalë. Italiano, që i pëlqente pothuajse të gjithëve, duket se është drejt rinovimit te Bologna (sot është takimi vendimtar); Gasperini pritet të bindet nga Percassi për të qëndruar në Bergamo; Antonio Conte nuk ka qenë kurrë realisht në fokus dhe gjithsesi është gati të rikthehet te Juventus; Allegri, një tjetër emër në krye të listës së Milan, është mes Napolit dhe, në rast largimi të Simone Inzaghi, Interit.

LEXO ME SHUME:Igli Tare dhe Furlani zgjedhin trajnerin e ri të Milanit, profili që pëlqehet nga shqiptari

Related posts

“Nuk pres ndeshje të lehtë me Teutën”, Milinkoviç flet gjithashtu për gjendjen e Partizanit: Gjatë kësaj jave të gjithë lojtarët ishin të gatshëm

E FUNDIT/ Zhgënjehet Juventus, Zhegrova bën prapakthehu sa i përket të ardhmes

Asnjë risi dhe surprizë në listën e Sylvinhos, Etrit Berisha vijon të jetë jashtë Kombëtares