Gjykata e Apelit e Janinës ka vendosur të lejojë ekstradimin në Shqipëri të Laert Haxhisë. Shkalla e dytë e gjyqësorit helen është shprehur pozitivisht kërkesës së Shqipërisë, por Haxhiu ka edhe të drejtën e shqyrtimit të çështjes në Gjykatën e Lartë greke. Prej disa javësh Shqipëria ka kërkuar ekstradimin e tij si i shpallur i dënuar me 18 vite burg nga Gjykata e Lushnjes për vrasje të mbetur në tentativë. Haxhia vijon të jetë në proces gjyqësor dhe në SPAK për masakrën e Lushnjes.
Ai akuzohet për 6 vrasje të ndodhura në vitet 2021-2022 nga prokuroria e Elbasanit. Dy muaj më parë ekstradimi i Haxhias u refuzua nga Gjykata e Janinës pas kërkesës nga shteti shqiptar. I dënuari, kreu i grupit kriminal, bashkë me të penduarin e policisë, Artan Tafani rezultojnë bashkëpunëtor në 4 vrasje në Shqipëri. Gjithashtu 31-vjeçari ka urdhëruar dhe dy vrasje në Greqi.
Të gjitha këto krime kanë ndodhur nga vitit 2018 deri në vitin 2021-shin. Ata vranë Çajup Selimin, Fridman Xhaferajn, Alban Semakun dhe Albi Bashaliun.