Trajneri i Egnatias, Edlir Tetova, mendon se ndeshja e sotme e skuadrës së tij ishte interpretuar mirë, për të marrë tre pikët që ishte gjëja më e rëndësishme.
“Nuk kisha dhënë detyrë për të qarkulluar topi, por duke parë Erzenin e kthyer të gjithin në mbrojtje na kishte bllokuar manovrat, se ishte me 5 mbrapa. Ndaj gjithmonë bëhet e vështirë që të shkohet drejt portës kundërshtare. Ndryshova diçka në pjesën e dytë me vendosjen e Dwamenës në qendër, provova të gjeja thellësinë me Zejnullain dhe fatmirësisht ia arritëm. Loja i ka këto vështirësi, edhe momente neglizhence nga lojtarët se nuk janë të gjithë në një format agresiviteti. Por lojtarëve u kërkova sot, sidomos në pushim, u thashë që të keni shumë durim për të lëvizur topin sa më shumë se do të vijë momenti.
Duamena nuk është në kondicionin e duhur. Ai ka vetëm pak ditë se vazhdon të luajë me dhimbje por ka dëshirën e madhe të luajë. Një lojtari të tillë apo kapitenit të skuadrës do t’i bëjmë vend.