Uerdi Mara i ka dhënë fitoren skuadrës së Keciorengucu në kampionat përballë Erzurumsporit për të ndihmuar skuadrën e tij që të ngjitet në zonën “play off” për tu ngjitur në Superligën turke.
Në minutën e 74’, miqtë kryen një kundërsulm fantastik, me ish-in e Partizanit, Jurgen Bardhin që asistoi për ish-in e Skënderbeut, me këtë të fundit që nuk gaboi me të majtën e tij brenda zonës.
Ky ishte goli i parë për Marën këtë sezon në Turqi, që duket se ka fituar sërish vendin e titullarit.