Zv.trajneri i Dinamos, Glen Daja, foli në prag të duelit të kthimit ndaj polakëve të Jagiellonias, teksa ndër të tjera sqaroi: “Ishim të detyruar ta fusnim Beqjan në qendër të mbrojtjës. Tentuam Meksin ndeshjen e kaluar, sot provuam Beqjan, dhe Nanin ta përdorim në pozicionin e tij më të mirë.
Besoj që do të jetë ndeshje tjetër, do kemi rritëm tjetër. Është një ndeshje me eliminim. Nuk kemi ccfarë të humbasim. Është ndeshja e fundit. Rritmi që kemi në Europë është tjetër, besoj se do të na ndihmojë edhe në kampionat”, u shpreh Glen Daja. Ditën e enjte, në orën 20:45 në kryeqytet, Dinamo luan shansin e fundit ndaj Jagiellonias. Polakët vijnë në Tiranë me avantazhin e tre golave, cka ia vështirëson shumë kualifikimin dinamovitëve, të cilët do të bëjnë maksimumin për një prezantim sa më dinjitoz.