Ka përfunduar mbledhja e sotme e Këshillit Politik, ku bashkëkryetari i Reformës Zgjedhore, Damian Gjiknuri është shfaqur i prerë se kërkesa e opozitës për një formulë të re të KQZ-së është e papranueshme.
Gjiknuri u shpreh se formula ekzistuese është politike dhe nuk ka pse të harxhohet kohë për të zgjedhur një formulë sërish politike, kjo kërkesë e PD-së.
“Sot është diskutuar për menaxhimin e ri të KQZ që do të ndahet në tre nivele.
PD ka kërkuar që këta persona që do të menaxhojmë KQZ të jenë politikë, që është e papranueshme, duke qenë se formula ekzistuese është politike dhe nuk ka pse të harxhohet kohë.
PD kërkon procedura tenderimi në tender. Kërkova që ti kërkojmë një opinion agjencisë së Prokurimit Publik”, tha Gjinkuri.