Egnatia ka vendosur të ndërpresë bashkëpunimin me një nga lojtarët që erdhi me bujë në klubin rrogozhinas, pikërisht Francois Dulysse. Kështu raportohet kjo lëvizje e papritur nga kampionët, për mbrojtësin që u bashkua në janarin e vitit 2024.
Francois Dulysse kishte kontratë të vlefshme dhe për një sezon, por nuk do të mbetet nën urdhërat e trajnerit Edlir Tetova. Kujtojmë se 26-vjeçari është po ashtu pjesë e kombëtares së Haitit.
Egnatia e afronte atë si lojtar të lirë në janarin e vitit 2024. Kështu Dylis ishte pjesë e dy titujve kampion, një Kupe të Shqipërisë dhe po ashtu fitores së Superkupës. Në total mbrojtësi i qendrës numëroi 60 paraqitje ku dha dy asiste.
PËRGATITJET PËR EUROPËN
Stafi teknik, nën drejtimin e trajnerit, ka hartuar një plan të detajuar për fazën përgatitore, që përfshin seanca intensive stërvitore dhe disa miqësore testuese. Objektivi kryesor i klubit është të jetë sa më konkurrues në Europë dhe të lërë gjurmë në këtë aventurë ndërkombëtare. Gjithashtu, priten edhe disa afrime të reja në merkato për të rritur cilësinë dhe thellësinë e skuadrës. Atmosfera në ekip është pozitive dhe lojtarët po punojnë me përkushtim, të vetëdijshëm për rëndësinë që ka ky moment historik për klubin dhe tifozët. Egnatia synon të përfaqësojë me krenari Rrogozhinën dhe futbollin shqiptar në arenën europiane.