Në 20 shtator te vitit 2020, 31-vjeçari Elton Meta tentoi vetëvrasje me kallashnikov në oborrin e shtëpisë së gruas.
Gruaja e tij kishte një javë që qëndronte te prindërit së bashku me vajzën 1 vjeçe dhe shkak për këtë ishte bërë thonë prindërit e Eltonit, një foto e një femre që ajo kishte parë në llogarinë e tij në “Facebook”.
Ai kërcënoi vetëvrasjen për 5 orë, derisa u dorëzua pas negociatave me specialistët e RENEA-s.
Avokati i 31 vjeçarit akuzon prokurorinë se nuk ka kryer hetimin e çështjes sipas ligjit dhe e ka dërguar Eltonin në burgun e Zaharisë, në Krujë pa të drejtë.
Prindërit e Eltonit dyshojnë se në çështje ka ndërhyrë babai i nuses, pasi nuk do që Eltoni të shohë vajzën e tij.
Sipas avokatit të djalit, asnjë psikolog nuk ka shkuar te Eltoni edhe pse ligji e parashikon në raste të tilla.
“Para 10 ditësh del që prokurori e ka nxjerrë të çmendur, e ka çuar prokurori në spitalin e burgut të Tiranës dhe e kishin vizituar. Ata kanë thënë që ka nevojë për kurim. Por pse e bëri prokurori këtë gjë? Duhet të kalonte etapa e psikologut para se të shkonte te mjeku psikiatër. Lë shumë pikëpyetje ky veprim i psikologut! Eltoni dyshon se është ndërhyrja e vjehrrit.”- shton avokati.
Gjithashtu, prindërit thonë se kanë kërkuar të thirren ne prokurori por kjo gjë nuk ka ndodhur.
Burimi: Top Channel