Ylli Shehu, Myslim Murrizi, Korab Lita dhe Halit Valteri janë disa nga ligjvënësit shqiptar që shikoni në fotot e mëposhtme, ndërsa pas arritjes së marrëveshjes së 5 Qershorit dhe rrjedhjes së votave me ose pa vullnet, por edhe si të kompromentuar apo të shitur siç është aluduar jo pak edhe mes njëri-tjetrit nga grupet parlamentare, kanë marrë malet.
Kjo vjen në një kohë kur janë arritur votat të paktën nga sa është deklaruar publikisht për votimin e reformës zgjedhore, produkt i marrëveshjes së 5 Qershorit në Këshillin Politik.
Deputetët iu kanë hipur “Xhipave”, dhe janë nisur për në mal, e me vete kanë marrë edhe ushqim e pijë, ndërsa bëjnë foto diku të shtrirë në barin e njomë, diku me pamje nga mali e diku rreth tryezës së improvizuar në natyrë.
Deputetët duken të relaksuar dhe mjaft komod me freskinë e alpeve shqiptare, ndërkohë që diçka që mbase ua prish ‘imazhin’ është distancimi social.
Deputetët e sipër cituar kanë shpallur disa ditë më parë edhe ‘fitoren e parë’ si opozitë parlamentare pasi kanë ‘bindur’ kryeministrin Edi Rama se 80% e shqiptarëve duan lista të hapura, e për të bërë këtë ‘ëndërr’ të shqiptarëve realitet, kreu i qeverisë ka shprehur gatishmërinë për t’i kujtuar kreut të opozitës se ‘mjaft i ka dhënë atij’.