Historia e Luiz Ejllit po merr përmasa të mëdha edhe jashtë shtëpisë së Big Brother Vip Albania. Pavarësisht se ai tregoi një histori sëmundje që nuk ishte e tij, në vetë të parë, Luizi vijon të mbështetet nga ndjekësit e shumtë të programit të cilët janë të bindur se pas fjalëve të këngëtarit ka akoma të vërteta për t’u zbuluar.
Mbrëmjen e djeshme teksa ka mbërritur në spital për të kryer analizat, Luizi është pritur nga një grup fansash të cilët kanë kuptuar që ai po dilte nga shtëpia e Big Brother Vip pasi çdo gjë u bë në transmetim Live.
Ata dëgjohen teksa thërrasin me zë të lartë:“Forca Luiz të duam”.
Produksioni i “Big Brother Vip” mbrëmjen e djeshme bëri diçka që shumë do e ëndërronin. Nxorri rezultatet e analizave të një sëmundje të rrallë për më pak se dy orë.
Luiz Ejlli pasi rrëfeu se vuante nga një sëmundje e rrallë, produksioni i “mëshirshëm” i dha mundësinë të kryente të gjitha ekzaminimet gjatë “prime-it”. Ai u kthye në shtëpi si “gënjeshtar” me banorët të cilët i dolën krejt kundër dhe produksioni i “BBV” si gjithmonë ia doli me të tijën.
Pas përfundimit të “shfaqjes” Luizi gjatë gjithë bisedave me banorët që i janë afruar për ta pyetur apo edhe kërkuar sqarim është treguar shumë i ngurtë dhe jo vetvetja. Madje ai në një bashkëbisedim me Tean, i kërkoi mos ta pyeste më shumë se po foli do i dilnin probleme kur të dilte jashtë. Aq sa mund të përfundonte edhe në pranga.